weeklikse preke

Aan die een kant moet ons vas en bid om vas om God se wil vir ons lewens te soek. Aan die ander kant hoef ons glad nie te raai wat God se wil is nie. Sy wil word uitgespel in Sy Woord. In hierdie boodskap bring ek God se wil wat soms so ver voel baie nader aan jou.

In Efesiërs 5 skryf Paulus dat ons (wat kinders van die lig is) noukeurig moet let op hoe ons leef. Dat ons nie as on-wyses moet leef nie, maar as wyses. In hierdie boodskap lig Pastoor Johan Klopper drie punte uit Efesiërs 5:15-20 wat ons kan help om as wyses in 2025 te leef.

Met Pastoor Johan nog op verlof kyk ons vandag weer na hierdie baie belangerike boodskap. Hoe weet ons dat God se Koninkryk aan die kom is in ons wêreld? Want daar is tekens wat dit vir ons sê. Wat is hierdie tekens?

Lukas se vertelling van Jesus se geboorte verhaal is swanger met nasionalistiese verwagting. Lukas wys ons hoe skerp Jesus se bediening van hierdie verwagting verskil het en dat die verwagte "wraak" nie deel van Jesus se horison was nie.

Daar is belangrike temas in Matteus se vertelling van Jesus se geboorte verhaal wat in Sy sending opdrag in Matteus 28 herhaal word. Luister hierdie boodskap as deel van jou oordenking van Jesus se geboorte gedurende hierdie Kersfees tyd.

In hierdie boodskap koppel ek bekering aan dissipelskap en dissipelskap aan sending. Jesus het soos die Rabbi's van Sy tyd dissipels gehad, maar daar is belangrike verskille tussen die dissipels van Joodse Rabbi's en Jesus en Sy dissipels. Matteus se verwagting was dat ons dissipels van Jesus sal wees net soos die eerste dissipels dit was. Dit beteken dat ons ook deel in Sy sending.

Die gelowige word uitgedaag om anders te dink oor sy/haar identiteit na aanleiding van Efesiërs 1:3-12. Ons is nie meer in die eerste Adam nie, maar in die tweede Adam, Jesus Christus. Wie is ons in Hom? Die boodskap dien as inleiding tot 'n herdefiniëring van hoe ek, as gelowige, oor myself dink.

Hoe word 'n nuwe gesin gebore en wat is die opdrag aan kinders en aan ouers in 'n gesin? Die Bybel, en veral die Nuwe Testament is nie 'n boek oor kinderopvoeding per se nie, maar daar is tog enkele verse in die Nuwe Testament waar dit ter sprake kom.

Jesus het 'n baie ernstige boodskap vir Christene wat lou is. 'n Boodskap wat relevant is vir baie gemeentes in Suid Arika. Ons kyk na Jesus se aangrypende en gedetailleerde boodskap aan die gemeente in Laodisea en noem 'n paar eienskappe wat 'n aanduiding van louheid by 'n gelowige is.